Aurreko albisteak
III. Nazioarteko “Hamaikasax” Lehiaketa Saxofoi-jole Gazteentzat
2023-09-29
Ikasturte honetan Saxofoi-jole Gazteei zuzendutako III: Nazioarteko “Hamakasax” Lehiaketa ospatuko dugu Elgoibarren. Jada izena emateko epea zabalik dago.
Aurten hiru sailetan banatuta egongo da A saila (16 urtetararte), B saila (14 urtetararte) eta C saila (12 urtetararte).
Edizio honetan ere luxuzko epai-mahaia izango dugu:
Miguel Angel Lorente (Musikene)
Nahikari Oloriz (Nafarroako Goi-mailako Kontserbatorioa)
Jagoba Astiazaran (Konpositorea)
Ohitura den bezala, konpositore batek A saleko finalean partaideek jo beharko duten obra sortzen du eta aurten Jagoba Astiazaran musikagilea izan da lan horren arduraduna. Jagobak Sgae-k urtero ematen duen Sari Nazionala irabazi berri du.
Partaideek antolakuntzak jarritako 2 piano-joleekin jotzeko aukera izango dute. Joana Otxoa eta Iñar Sastre izango dira aurten ere lan horretan jardungo dutenak.
Lehiaketaz aparte bi kontzertu paregabeez gozatzeko aukera izango dugu. Larunbatean Musikeneko ensemblearen kontzertua egongo da Musika Eskolako Auditorioan, Thomas Barthelemy-ren zuzendaritzapean. Eta Igandean Elgoibarko Udalaren Musika Bandaren kontzertua entzuteko aukera izango dugu. Bertan aurreko edizioko A saileko irabazleak, Pablo Mira Rico saxofoi joleak obra bat esakiniko du bakarlari gisa.
Lehiaketaren inguruko informazio guztia ondoko loturan topatu dezakezue:
https://hamaikasax.wixsite.com/hamaikasax
2023-2024 ikasturterako matrikulazio epea zabalik.
2023-2024 ikasturterako matrikulazio epea maiatzaren 2tik 31ra arte izango da . Aurten Inazio Bereziartua Musika Eskolako matrikulazioa pasa den urtean […]
2023-2024 ikasturterako matrikulazio epea maiatzaren 2tik 31ra arte izango da .
Aurten Inazio Bereziartua Musika Eskolako matrikulazioa pasa den urtean
bezala izango da:
JADANIK MUSIKA ESKOLAKO IKASLEAK DIRENAK 2022-2023 IKASTURTEAN:
Ikasle hauen kasuan, matrikulazioa “automatikoa” izango da, hau da, aurtengo ikasturtean
matrikulatuta dauden ikasleak datorren urterako matrikulatuko dira zuzenean.
Ikasle batek ikasgai desberdinak egiten baditu, Tronpeta, Musika Hizkuntza eta Euskal Dantza
adibidez, datorren urterako ere 3 ikasgaietan matrikulatuko zaio.
Ikasleren batek, datorren ikasturtera begira aldaketak egin nahi baditu, ikasgai baten baja
eman, espezialitate berri batean izena eman… musika eskolako idazkaritzan adierazi beharko
du.
Email bidez elgoibarmusika@elgoibarmusika.eus helbidera idatzita.
Telefonoz 943742145 edo 628929055 telefonora deituta.
Musika Eskolako idazkaritzara gerturatuta.
Zuzenean bere irakasleari esanda (ahal denean bere instrumentuko irakasleari).
Badaude hala ere kasu bereziak, adibidez 7 urteko ikasleen kasua (LH2 bukatzen daudenak),
instrumentua aukeratu behar dute datorren urtera begira. Kasu hauetan gu jarriko gara
gurasoekin harremanetan informazioa jasotzeko.
IKASLE BERRIAK:
Ikasle berrien kasuan matrikulatzeko on-line formulario bat prestatzea pentsatu genuen
hasieran. Hala ere, ondo aztertu ondoren, uste dugu egokiagoa dela azalpen, duda eta aukera
desberdinak zuzenean eta banaka argitzea.
Horretarako musika eskolako idazkaritza irekita egongo da egunero 15:00tatik 21:00arte.
Bertan matrikulazio orriak egongo dira eskuragarri eta behar diren azalpen guztiak eman
ondoren, bakoitzak bere etxean bete dezake matrikulazio orria.
Email edo telefonoz ere egin ditzakezue galderak, elgoibarmusika@elgoibarmusika.eus edo
943742145 telefonora deituta.
Kurtso bukaerako ekintzak
2023-05-03
Ate joka daukagu 2022-2023 ikasturtearen bukaera eta ohikoa den bezela ekintzaz beteta daukagu egutegia. Formato desberdinetan eta herriko leku desberdinetan, […]
Ate joka daukagu 2022-2023 ikasturtearen bukaera eta ohikoa den bezela ekintzaz beteta daukagu egutegia. Formato desberdinetan eta herriko leku desberdinetan, gure ikasleek prestatu dituzten kontzertu zein jaialditan gozatu ahal izango dugu.
Hona hemen egitaraua:
Maiatzak 4: Koruko ikasleen kontzertua Herriko Antzokian, 19:00etan.
Koruko 1. eta 2. maila, Korunaia eta Gaztenaia abesbatzek parte hartuko dute mimo handiz prestatu duten kontzertuan.
Maiatzak 5: Konboen elkartrukea Musika Eskolako atarian, 19:00etan.
Aurreko urtean gure Konboko ikasleek Lekeitiora jun ziren kontzertu bat eskaintzera Musikaia Musika Eskolako ikasleekin batera, eta aurten Elgoibarren daukate hitzordua.
Maiatzak 12: Erromeria Familian, Azkue auzoan, 17:00etan.
Aurreko urtean egin genuen bezela Atxutxiamaika eta Ludotekakoekin batera Erromeria antolatu dugu Azkue auzoan. Jarraian eskulan tailerrak egongo dira eta bertan afaltzeko aukera egongo da.
Maiatzak 19: Dantzari bakarlariaen emanaldia, Kalegoen, 19:30ean.
Urtean zehar txapelketetan parte hartu duten ikasleen erakustaldiaz gozatzeko aukera izango dugu.
Maiatzak 25: Kontzertu ibiltaria, Musika Eskolako ataritik, 18:30ean.
Musika Eskolako ataritik aterako gera BetiSua txarangarekin batera eta herriko hainbat txokotan geldialdiak egingo ditugu Musika Eskolako hainbat talde instrumental entzuteko.
Ekainak 2: Kurtso bukaerako kontzertua Maalan, 19:00etan.
Maalako parkea musikaz beteko dugu, BetiSua txaranga, konboak…
Ekainak 4: Haurren danborrada, 12:00etan
Trinitateko jaien barruan danborrak eta barrilak hartuko dituzte gure ikasleek.
Ekainak 8: Kurtso bukaerako kontzertua Herriko Antzokian, 19:00etan.
Kontzertu honetan 60+eko ikasleek eta zenbait talde instrumental hartuko dute parte.
Ekainak 9: Dantza jaialdia Kalegoen plazan, 19:00etan.
Adin guztietako dantzariak ikusi ahal izango ditugu Euskal Herriko dantzak plazaratuz.
Ekainak 12: Kurtso bukaerako kontzertua auditorioan.
Talde instrumental txikiak zein bakarlariak ikusteko aukera izango dogu.
Ekintza hauetaz gain intrumentuka entzunaldi desberdinak izango ditugu. Gainera tronpako ikasleek Iruñeako II. tronpa topaketan parte hartuko dute eta klarineteko ikasleak Legazpiko Klarinete Topaketara joango dira.
Elaia Etxaniz Irureta, 2. postuan Euskadiko Musikari Gazteen Lehiaketan.
2023-03-23
asa den larunbatean, martxoaren 18an, Euskadiko Musikari Gazteen Lehiaketa ospatu zen Gasteizko Jesus Guridi kontserbatorioan. Lehiaketa honetan, 2022-2023 ikasturtean musika […]
asa den larunbatean, martxoaren 18an, Euskadiko Musikari Gazteen Lehiaketa ospatu zen Gasteizko Jesus Guridi kontserbatorioan.
Lehiaketa honetan, 2022-2023 ikasturtean musika ikasketak burutzen ari diren Euskal Autonomia Erkidegoko edozein Musika Kontserbatorioko,Oinarrizko Ikasketak zein Ikasketa Profesionalak irakasteko baimendutako ikastetxeko, zein 289/1992 Dekretuak arautzen dituen Musika Eskoletako ikasleek parte hartu ahal izan dute.
Ondorengo modalitateetan banatu da:
Akordeoia
Kantua
Konposizioa
Zuzendaririk gabeko Talde Instrumental edo/eta Bokalak
Gitarra, Harpa eta Hari Pultsatuzko Instrumentuak
Arku-Instrumentuak
Jazza eta Musika Modernoa
Perkusioa
Tekla
Haize-Egurra
Haize-Metala
Eta bi kategoriatan banatu da:
A: 19 urtetararte
B: 15 urtetararte
Gure ikaslea den Elaia Etxaniz Iruretak 2. saria lortu zuen Haize-Egurren B kategorian. Lehen aldia da gure ikasle batek lehiaketa honetan parte hartzen duena, eta oso pozik gaude emaitzarekin.
Gure ikasleak EIO txiki orkestran
2023-03-22
Martxoaren 12an EIO txiki orkestrarako hautatze frogak egin dira Bilboko Juan Crisostomo Arriaga Musika Kontserbatorioan eta EAE-ko ehundaka musikarik hartu […]
Martxoaren 12an EIO txiki orkestrarako hautatze frogak egin dira Bilboko Juan Crisostomo Arriaga Musika Kontserbatorioan eta EAE-ko ehundaka musikarik hartu dute parte. Elgoibartik hiru ikasle animatu dira parte hartzera eta hirurak izan dira hautatuak:
Danel Garaizabal (tronpeta)
Naia Olivares (biolina)
Elaia Etxaniz (Saxofoia)
Oso pozik bueltatu ziren hirurak, konpetentzia handia baitzegoen. Ekainean 24tik uztailaren 1era egonaldi bat egingo dute eta gero hainbat kontzertu eskainiko dituzte EAE-ko hainbat auditoriotan.
Dantza Jaialdia
2023-03-02
Urtero bezela, badator Musika Eskolako ikasleen Herriko Antzokiko dantza jaialdia. Aurten martxoaren 15ean eta 16an ospatuko dugu arratsaldeko 19:00etan. Bertan […]
Urtero bezela, badator Musika Eskolako ikasleen Herriko Antzokiko dantza jaialdia. Aurten martxoaren 15ean eta 16an ospatuko dugu arratsaldeko 19:00etan. Bertan era askotariko koreografiak ikusiko ditugu eta 6 eta 17 urte bitarteko neska-mutilen habileziaz gozatu ahal izango dugu.
Egitaraua honako hau izango da:
Umetxoak (16/17 urte)………………………………..……………..….Remix
Ebamirentxu (6 urte)…………………………………………………Drindots
Korapiloak (7 urte)………………………………………………….…..Gabazin
Can’t stop the feeling (11 urte)………………….……….…..J. Tinberlake
Rombatoom (12 urte)……………………………………..…..Daddy Jankee
Black or White – The nights (11 urte)….…………M. Jackson / Avicii
Bakarrik (8 urte)…………………………………………………………….Bengo
BZRP (14/15)…………………………………………..……………………Shakira
Sunday (9 urte)…………………..….……………………………….Süne/Rikki
Boga-Boga (13 urte)……….………….…………………..Delirium Tremens
Bamban (10 ur….…………………………………….……..………….C. Cabello
Mi gente (15/16 urte)……………………..………………………Hugel Remix
Agur Xiberoa (16/17 urte)……………….…………………………..Xiberoots
Sarrera gonbidapenen bidez izango da eta parte hartzen duten ikasleek jasoko dituzte etxean banatzeko.
Elgoibarko XXII. Aurresku Txapelketa
2023-02-15
Martxoaren 12an dantza-zaleok hitzordu bat daukagu goizeko 11etan Elgoibarko Herriko Antzokian, izan ere, Elgoibarko XXII. Aurresku txapelketa ospatuko da. Urtero […]
Martxoaren 12an dantza-zaleok hitzordu bat daukagu goizeko 11etan Elgoibarko Herriko Antzokian, izan ere, Elgoibarko XXII. Aurresku txapelketa ospatuko da.
Urtero bezela Gipuzkoako hainbat herrietako dantzariak lehiatuko dira, eta nola ez, Elgoibartarrak ere. Lehiaketa 3 sailatan banatuta egongo da, D, B eta A sailak.
Hauek izango dira lehiaketan parte hartuko duten Elgoibartarrak:
D Saila: Duna Santos, Elaia Etxaniz eta Uxue Cabrera.
B Saila: Haizea Luluaga, Unax Ansola, Sare Meabebasterretxea, Irene Toledano.
A Sailan ez da Elgoibartarrik lehiatuko.
Inauteriak Musika Eskolan
2023-01-31
Aurreko urtean lehen aldiz inauteriak ospatu genituen Musika Eskolan eta ekintzak izan zuen arrakasta ikusi eta gero aurten ere ospatzea […]
Aurreko urtean lehen aldiz inauteriak ospatu genituen Musika Eskolan eta ekintzak izan zuen arrakasta ikusi eta gero aurten ere ospatzea pentsatu dugu. Elgoibarren ostegun gizena ospatzeko ohiturarik ez badugu ere, otsailaren 16an, ostegunean, arratsaldeko 17:30ean BetiSua txarangarekin kalejiran irtengo gera Musika Eskolako ataritik. Maalako parkean dantza bat egin ostean kalegoen plazara habiatuko gera eta bertan beste dantza bat esakiniko dute gure ikasleek.
Deia zabaltzen dugu Musika Eskolako ikasleak eta ikasle ez direnak bertan parte hartzeko, eta nola ez, mozorrotuta etortzeko. Animatu, primeran pasako dugu eta!